Нашата актерка Весна Петрушевска – Бејби на својот инстаграм-профил објави дека ја примила вакцината против коронавирусот.
„Стигнавме на ред за вакцини и снема вакцини. Инаку е супер организирано и треба да ме боцнат со „Фајзер“, ама к`смет, таман ќе стигнеш на ред нешто нема… Се изначекав цел живот за сè“, во нејзин стил се пошегува Весна во видеото кое го сподели на инстаграм-стори пред да се вакцинира.
Но дека има вистина во изреката „Кој чека, ќе дочека“ зборува и следното видео кое го сподели актерката на кое може да се види моментот кога ја прима вакцината.
Весна исто така сподели фотографија со медицинскиот техничар Денис Јанкуловски познат на јавноста под прекарот Космонаутко. „Со убавиот лик на ова невреме Денис“, напиша Весна во описот на фотографијата.
