Ванеса Брајант објави фотографија на „Инстаграм“ со нејзиниот покоен сопруг Коби Брајант, кој денес би го прославил својот 43-ти роденден доколку бил жив.
View this post on Instagram
„Среќен роденден. Ќе те сакам засекогаш, вечна љубов”, напиша Ванеса во описот на фотографијата. Нејзините следбеници во коментарите изразија почит и љубов за славниот кошаркар.
Љубовната врска помеѓу Коби и Ванеса започнала откако се запознале во ноември 1999 година. Тој имал 21, а таа 17. Се вериле шест месеци потоа и се венчале во 2001 година. Тие споделуваа четири ќерки: Наталија, Џина, Бјанка и Капри.
Коби Брајант и неговата 13-годишна ќерка Џина загинаа во несреќа на почетокот на минатата година кога нивниот хеликоптер се урна во Калифорнија.
