Македонскиот саксофонист Горан Папаз со гордост ја сподели радоста од родителството, објавувајќи фотографија од своите три бебиња, кои наполнија три месеци.
„Три месеци, мама и тато психофизички стабилни. Одиме понатаму…“ – напиша тој, споделувајќи слика од малите Луна, Лазар и Лена.
Папаз, кој стекна популарност со „Суперхикс“, уште во август објави дека ќе стане татко, покажувајќи ултразвук од тројките.
„Шансите за природна тројка се 1 на 1.000 – ние победивме!“ – напиша тогаш, шеговито додавајќи дека го решил проблемот со наоѓање музичари за бенд.
Неговата сопруга Наташа се породи во декември, а двојката стапи во брак пред две години со голема свадбена прослава.
„Јас сум најсреќниот човек во универзумот… Нате, најубава си ми. Те сакам до небото!“ – изјави тогаш Папаз.
Музичарот од претходниот брак има и син, Дамиан.
