Мајката на пејачките Тијана Дапчевиќ и Тамара Тодевска, Брана, го прослави својот 76-ти роденден. Со оглед на тоа што Тијана живее во Белград, сестрите одлучија да ја изненадат нивната мајка и да го поминат овој ден заедно. За оваа пригода тие одбраа еден елитен ресторан каде со чаша вино наздравија за животот.
„Среќен роденден. мама“, пишува на објавата која пејачките ја споделија на социјалните мрежи.
Инаку, Брана е поранешна оперска пејачка, додека нивниот татко Велко е поранешен професор по контрабас. Тие не се во брак, но секогаш се сплотени и заедно во првите редови за да ги поддржат нивните ќерки.
