Нашата позната пејачка, текстописец и водителка Бојана Атанасовска-Скендеровски, позната само како Бојана на својот инстаграм – профил објави прекрасни фотографии по повод роденденот на својот сопруг.
View this post on Instagram
„Сѐ е поубаво, полесно, и посреќно кога имаш со кого да го делиш тоа сѐ. Биди најсреќен!“ – стои во описот на фотографијата на која Бојана е прегрната со својот сопруг.
Бојана и Васко се во идиличен брак, а како круна на нивната љубов се ќерката Искра и синот Ѓорѓи. По повод роденденот на Васко, пејачката организираше интимна прослава во еден познат скопски ресторан. Кога имате сопруга која има прекрасен глас, роденденот мора да помине со многу музика.
Додека Бојана пееше сите присутни во ресторанот уживаа во нејзиниот глас и изведба на песната „Lazem sebe da mogu bez tebe“, песна од Божа Николиќ која пејачката ја посвети на својот сопруг.
На прославата присуствуваа родителите и сестрата на Бојана, Ивана Атанасовска, а по повод роденденот на својот сопруг пејачката беше совршено стилизирана во прекрасен црн фустан кој ја следеше линијата на нејзиното тело.
Фустанот кој Бојана го носеше на роденденската прослава на својот сопруг е креација на наша позната дизајнерка – Ива Спасовска.
