Познатата фолк-пејачка Сека Алексиќ се пожали на Инстаграм за проблемот со кој моментално се соочува.
Сека е само уште една во низата познати личности кои станале жртви на интернет-измама. Не ја заобиколија измамниците на социјалните мрежи, кои користат имиња и фотографии на познати личности за лажни објави и реклами.
На Инстаграм двапати се појавиле реклами во кои се тврди дека Сека ослабела 15 килограми со метод кој станал вистинска сензација на интернет.
Во овие огласи стои: „Спорт и диета повеќе не се потребни. Овој едноставен метод ќе ви помогне. Целосно го промени мојот пристап“.
Покрај текстот, измамниците објавиле и две фотографии од пејачката, на кои таа носи сина тренерка и бомбер-јакна, со цел да ги натераат луѓето да поверуваат дека нејзината фигура е резултат на користење на овој производ.
Штом до неа стигнаа овие лажни реклами, Алексиќ двапати ги предупреди своите фанови на Инстаграм за измамите што кружат по социјалните мрежи.
„Лага“, накратко напиша Алексиќ покрај слика од контроверзната реклама.
