Рано изутринава одекна трагичната вест дека познатиот холивудски глумец Алек Болдвин на сетот во текот на снимање, ја убил директорката на фотографија, Халина Хачинс, која работеше на бројни филмски остварувања, пренесуваа странските медиуми.
View this post on Instagram
Алек Болдвин пукаше од реплика пиштол на филмскиот сет во Ново Мексико и ја застрела Халина Хачинс, а го рани режисерот Џоел Соуза, пренесоа локалните власти.
View this post on Instagram
Според властите, Хачинс со хеликоптер е превезена во болницата на Универзитетот во Ново Мексико и прогласена за мртва, додека Соуза кој бил пренесен со итна помош во регионалниот центар „Кристус Ст.Винсент“ е згрижен поради повреда.
View this post on Instagram
Халина Хачинс почина од прострелна рана, која ја здоби на снимањето на филмот „Rust“, а имаше 42 години. Родена е во Украина, а растена е на советската воена база. Студирала на Киевскиот национален универзитет и дипломирала меѓународно новинарство. Работела како истражувачки новинар.
View this post on Instagram
Екипата изминативе денови е на снимање на филмот во Ново Мексико, а Хачинс на својот инстаграм -профил сподели видеа и фотографии од снимањето. На последното видео кое е поставено на оваа платформа, таа јава коњи со филмската екипа.
„Една од предностите на снимање вестерн е да јавате коњи на слободен ден“ – напиша таа во својата последна објава.
Деталите за тоа зошто имало вистински куршуми во пиштолот реплика остануваат неразјаснети. Ваков бизарен инцидент не е прв случај во Холивуд.
