Капутот е неизбежно модно парче за време на зимските денови. И додека љубителите на полежерен стил на облекување претпочитаат различни типови на јакни, жените кои претпочитаат елеганција почесто избираат зимски палта.
Очекувано, меѓу најелегантните и најбараните модели на капути се оние во неутрални бои за сите временски услови. Секако, станува збор за модели во црна и беж боја.
Прилагодливи за сите прилики и незабележителни, црните и (или) бежовите палта се едно од оние парчиња кои вреди да ги имате во плакарот бидејќи навистина не можете да погрешите со нив.
Тоа го знае и Анџелина Џоли, која најчесто ја гледаме во овие модели. Познатата 46-годишна американска актерка отишла на шопинг со својот 18-годишен син Пакс облечена во многу едноставна комбинација, а во целиот моден изглед доминира црното палто.
Неодамна во неколку наврати беше видена во друштво на своите деца во беж капут. Анџелина редовно ги менува моделите на капути кои се исклучиво во овие две бои, а повремено папараците може да ја уловат со сив или бел капут.
Сепак, таа е најверна на црната и беж боја, кои со години доминираат во нејзината гардероба.
