Српската пејачка Теа Таировиќ синоќа настапила во Никшиќ, каде што ќе настапи и вечерва по повод Денот на вљубените.
Теа, како и секогаш, ја вжештила атмосферата и со своето пеење и сексапилното танцување ги оставила сите без зборови.
Сепак, сега и самата пејачка била изненадена. Теа добила роза од еден обожавател, додека друг дури и го истетовирал нејзиниот лик на своите гради.
Младото момче непознато за јавноста, преку социјалните мрежи се пофалило со овој потег, а исто така, објавило и фотографија на која самата пејачка го прегрнала.
Теа не можела да поверува, па почувствувала потреба и јавно да му се заблагодари:
– Благодарам Никшиќ! Се гледаме и утре! Голема благодарност и до Радован, кој го истетовирал мојот лик на градите и беше на настапот вечерва. Немам зборови, премногу сум благодарна! – рекла Таировиќ.
