Вдовицата на актерот Шон Конери, Мишелин Рокбрун, на својот Инстаграм профил објави емотивна фотографија, која е последната фотографија од неодамна починатиот сопруг, каде тие двајца се држат за раце.
Конери со сопругата е фотографиран на нивната 45-годишница од бракот и многумина веруваат дека тоа е една од нивните последни заеднички фотографии.
Исто така Мишелин откри дека Шон Конери боледувал од деменција веќе некое време.
„Тоа не беше живот за него. Почина во сон. Бев со него цело време, а тој замина достоинствено. Се беше онака како што тој сакаше“, изјави таа.
Шон и Мишел се запознаа во далечната 1970-та година, а пет години подоцна се венчаа. Во брак беа 45 години, а Конери до смртта беше заљубен во својата сопруга.
