Костова, вчера, за прв пат го посети „Ист гејт мол“, а целата прошетка низ молот ја сподели со своите следбеници.
Познатата некогашна водителка и инфлуенсерка Миа Костова отсекогаш важела за личност која нема проблем да сподели приватни и интимни детали од сопствениот живот.
Несомнено е дека Миа има своја „армија“ од следбеници кои љубопитно го следат нејзиното секојдневние, но поради веќе препознатливата брутална искреност за секојдневни теми, од јавниот како и од приватниот живот ги доби симпатиите на нејзините фанови на социјалните мрежи.
Со почетокот на пандемијата Миа преку својот инстаграм – профил активно зборува за тоа како таа живее и се справува со пандемијата и сите предизвици кои „новото нормално“ ни ги донесе во животите. Крајот на октомври, мината година, Миа ги информираше своите следбеници преку социјалните мрежи дека е позитивна на ковид-19.
Кога започна масовната вакцинација во нашата земја Миа стана уште погласна одбивајќи да се вакцинира со изборот од понудените вакцини.
По стапувањето на сила на новите мерки и ограничувањата за невакцинираните граѓани Костова се обрати повторно до своите следбеници дека нема да се служи со лажни сертификати за вакцинација.
Со отварањето на еден од најголемите трговски центри во регионот – „Ист гејт мол“, голем број наши истакнати инфлуенсери ги преплавија социјалните мрежи од свеченото отварање.
Веројатно, фановите на Миа очекуваа и таа да биде дел од свеченото отварање, но поради ограничувањата за невакцинираните граѓани таа сепак мораше да остане дома, но тоа не ја спречи да најде начин да го посети новоотворениот трговски центар.
Преку инстаграм – стори Миа пред своите бројни следбеници изјави дека ќе најде начин и да го посети „Ист гејт мол“ со склучување на договор како вработена или соработник, а не со лажен сертификат.
Костова, вчера, за прв пат го посети „Ист гејт мол“, а целата прошетка низ молот ја сподели со своите следбеници.
– Шшшш… влегов во мол, во „Ист гејт“ мол. Ви ветив дека ќе ве донесам во „Ист гејт“ за да ви покажам каде јас едвај чекам да влезам и тоа ќе го направиме во следните триесет минути. Се си е регуларно, ич да не ме мислите.. ова е само за инстаграм – стори чисто да видиме колку ќе се споделат, шала на страна многу ми е драго што постои вакво место во Скопје, изјави Миа преку објавите на својот инстаграм – профил по што инфлуенсерката продолжи да ги посетува омилените бутици во молот како и продажните локали на брендовите со кои соработува.
