Приказната за момчето, уличен музичар од Зеница, кое спиеше под мост, Мустафа Хрустиќ, ги трогна сите, а особено пејачката Марија Шерифовиќ, па реши да му помогне и од корен да му го промени животот.
Популарната пејачка му го реши станбеното прашање на Мустафа, му плаќа кирија за една година, како и три оброци дневно во блискиот ресторан.
Марија Шерифовиќ не застана тука, па заедно со градоначалникот му најде работа во Зеница, каде ќе поправа базени.
На интернет е објавено видео на кое се гледа како изгледа работниот ден на Мустафа, а тој вели дека е презадоволен.
– Работам се. Кога има гужва има повеќе работа, но јас сум задоволен. Не ми е досадно. Сега сум среќен, фала богу. Некои ми пишаа дека не сум сакам да работам, но тоа не е точно, само да е чесна работа и толку. Убаво ми е, не размислувам дали ќе заработам доволно и да имам за себе, знам дека ќе добијам плата за еден месец.
Да потсетиме, животната приказна на Мустафа е многу тешка. Како седумгодишно момче ги загубил родителите, а луѓето кои се грижеле за него го принудувале да заработува уште од мали нозе. Така уличниот музичар го загуби правото на среќно и безгрижно детство, но и правото на образование, за што сега ја плаќа цената.
