Анастасија, ќерката на поранешниот ракометен голман Борко Ристовски и неговата сопруга Нина, наполни две години. По тој повод, семејството приреди роденденска забава во еден од познатите скопски ресторани, во друштво на најблиските роднини и пријатели.
Насмеана и разиграна, малата Анастасија привлече внимание со својата ведрина, а многумина забележаа дека со крупните сини очи и руса коса го наследила најдоброто од двајцата родители.
За оваа посебна пригода, Нина и Анастасија беа модно усогласени, носејќи фустани со карнери во крем боја со црни точки. Еден од најемотивните моменти беше фотографијата што Нина ја сподели на социјалните мрежи, на која со нежна порака ѝ порача на ќерка си: „Те сакам“.
Освен Анастасија, Нина и Борко го имаат и синот Душан, кој исто така беше дел од веселата атмосфера на семејната прослава.
