Македонската манекенка Катарина Ивановска помина неколку дена на едрење во друштво на својот сакан Стефан Ханџиски и пријателите, а ова патување ѝ донесе и нова вештина.
На Инстаграм, Катарина сподели фотографии и видеа од морската авантура, откривајќи дека научила да управува со едрилица.
„Нова вештина совладана: Капетански режим. Од патничка до капетанка“, напиша манекенката покрај објавата.
На фотографиите може да се види како Катарина управува со едрилицата, но и како ги совладува теоретските делови од едрењето, со бележник пред себе.
Покрај учењето, имало време и за уживање. Манекенката сподели фотографии од капење во море, дружење со пријателите и прекрасното зајдисонце.
На дел од фотографиите позира и со Стефан, со кого го сподели ова интересно искуство.
