Вистинско уживање е кога Тамара Тодевска споделува забавни содржини на својот инстаграм – профил, особено од семејните моменти. По долгата пауза пејачката се врати на својата работа со полна пареа, а викендот Тодевска го користи за одмор и уживање со семејство.
Тамара на својот инстаграм – профил сподели прекрасно видео од неделната прошетка низ Градскиот парк. Пејачката уживаше во музиката во изведба на еден уличен свирач заедно со своите деца.
Пејачката го користи секој слободен момент да помине со своето семејство. Хана и Дарен се најголемата љубов на пејачката и нејзиниот сопруг Александар – Мачка. Од неодамна семејството Димитровски е побогато за уште еден член, а тоа е миленикот по име Хачи.
Хачи е преслатко кученце од расата кокер – спаниел, а притоа од цело семејство токму Хачи најмногу се радува на овие прошетки.
