Нашиот евровизиски претставник, Васил Гарванлиев на свеченото отворање на 65-тото издание на Избор на песна за Евровизија се појави во елегантна , но и ексцентрина модна комбинација.
View this post on Instagram
На церемонија која вчеравечер го означи официјалното отворање на фестивалот, Васил на тиркизниот тепих заедно со неговиот тим се појави облечен во црн елек, долг до земја, црни панталони и блуза, а на главата носеше круна која беше направена од повеќе парчиња огледало.
Васил на својот инстаграм – профил сподели и многу фотографии од церемонијата:
View this post on Instagram
„Официјално започна. Колку убаво патување досега и конечно ќе имам прилика да запознаам некои од артистите“, стои во објавата на Гарванлиев.
Македонската делегација која го придружуваше Васил беше исто така внимателно стилизирана, а на нивната облека беа прикачени мали парчиња огледала, како на облеката така и на заштитните маски, како препознатлив моден детаљ.
Според официјалниот сајт на настанот, за својата комбинација Васил изјавил: „Огледалото секогаш ја открива вистината, без разлика дали добра или лоша“.
Ви се допадна ли стајлигот на Васил? Пишете ни во коментар!
