Една стара поговорка вели дека „чантата ја чува главата“. Една голема и практична чанта може да ги собере сите ситници кои ни се потребни во текот на денот што и се неопходни на една жена. Чантата е неизбежен моден додаток без кој речиси ниту една жена не го напушта домот.
Зависно од вкусот и стилот, некои ќе одберат класични модели, а некои ќе се одлучат за некоја полежерна комбинација како на пример ранец – чанта, но едно е сигурно, без чанта (каква и да е) не одат никаде.
Истото важи и за Анџелина Џоли . Познатата 46-годишна актерка е снимена во Вашингтон со нејзината 16-годишна ќерка Захара.
Мининалистичката комбинација на облека во црна боја Анџелина ја надополни со голема кожна чанта на италијанската модна куќа „Salvatore Ferragamo“ во боја на песок.
Во својата обемна колекција на скапи чанти на најценетите модни куќи во светот, актерката има и голем број модели од брендот „Salvatore Ferragamo“ , а овој пат покажа еден со кој досега не сме ја виделе.
Анџелина често носи големи чанти, а ова е дефинитивно една од најголемите на актерката. Со оглед на тоа колку е пространа и во исто време изработена од мека кожа, ова е модел со кој лесно можете да ја преполните со неопходни работи.
За некои некои овој модел изледа многу гломазно, но за жените кои претпочитаат големи чанти – „тамам“.
