Македонската пејачка Ева Нединковска на почетокот на септември стапи во брак со својот избраник Филип, а сега сподели фотографии од нивниот свадбен ден.
Пејачката објави повеќе моменти од прославата на својот профил на Инстаграм, каде што може да се види дел од атмосферата од свадбата.
Посебно место на прославата имала нејзината ќерка Ена од претходниот брак, која за оваа пригода исто така носела бел фустан и позирала покрај својата мајка.
Ева претходно отворено зборуваше за врската со Филип и за начинот на кој нивните животни патишта се споиле.
„Во периодот кога пуштив сè што ми беше вишок, ме најде тој. Се молевме еден за друг долго пред да се запознаеме…“, изјави пејачката во една пригода.
Пред свадбата, Ева и Филип ја прославија и својата свршувачка. Забавата по тој повод се одржа на 11 април годинава, во друштво на нивните најблиски.
Неколку месеци подоцна двојката ја круниса врската со брак, а Ева сега за првпат покажа повеќе моменти од свадбената прослава.
