Пејачот Драган Којиќ Кеба отворено зборуваше за гласините кои со години го следат популарното музичко натпреварување „Ѕвездите на Гранд“ и ги прокоментира обвинувањата дека гласањето и победниците се однапред договорени.
Како еден од постојаните членови на жирито, Кеба реши да ја открие вистината од зад сцената и да ги демантира сите шпекулации за евентуални манипулации:
„Тоа се чисти измислици. Во ‘Ѕвездите на Гранд’ сè е апсолутно регуларно и транспарентно. Никој никогаш од нас не побарал да гласаме спротивно од нашето сопствено мислење, ниту пак постојат какви било местенки. Секој од членовите на жирито гласа исклучиво според својата совесност, врз основа на талентот и настапот што кандидатите го покажуваат на сцената“.
Кеба додаде дека публиката и кандидатите можат да бидат целосно сигурни во регуларноста на шоуто, истакнувајќи дека токму објективноста и посветеноста на жирито се главната причина зошто овој проект со години опстојува како најгледан во регионот.
