Македонскиот модел Елена Ѓорговска деновиве престојува во Минхен, каде што го посети Октоберфест, еден од најпознатите фестивали во Германија.
Дел од атмосферата таа ја сподели со своите следбеници на социјалните мрежи, а на фестивалот беше во друштво на својата сестра.
За оваа пригода, двете избраа комбинации инспирирани од традиционалната баварска женска носија – дирндл.
Елена носеше долго кафеаво здолниште во комбинација со струкирано елече и бела кошула, додека и нејзината сестра се одлучи за слично издание.
На фотографиите сестрите позираат на повеќе локации од фестивалот, а не изостанаа ниту препознатливите големи кригли со пиво.
„Ретка фотографија од нас каде што одбираме пиво, наместо шампањ“, напиша Ѓорговска покрај една од фотографиите.
