Со нетрпение очекувајќи го пристигнувањето на синот Максим, Едина Муса во 40. недела од бременоста ги овековечи овие посебни мигови со нежна фотосесија.
Поранешната кошаркарка позираше со сопругот Александар Димитровски – Мачка, споделувајќи фотографии исполнети со љубов, емоции и неизмерна радост.
„Драгана (фотографката), ти благодарам за преубавата фотосесија на која ќе се навраќам цел мој живот. Ова не се само слики, ова се моменти кои ќе бидат врежани во мене до крајот на животот“, напиша Едина, опишувајќи го значењето на овие моменти за неа.
На фотографиите таа блеска во лежерна облека, прегрната од сопругот, а во некои од кадрите е опкружена со своите миленици. Посебно внимание привлекоа фотографиите каде што трудничкото стомаче е во фокус, симболизирајќи ја новата животна приказна што наскоро ќе започне.
View this post on Instagram
