Српската пејачка Анѓела Игњатовиќ, позната како Бресквица, велигденскиот викенд го помина во Македонија, уживајќи во убавините на Охрид.
Младата ѕвезда на социјалните мрежи на Инстаграм сподели серија фотографии од својата посета, на кои може да се види како плови со глисер по Охридското Езеро, но и како го посетува манастирскиот комплекс Свети Наум.
Иако е препознатлива по гламурозни изданија, овој пат Бресквица избра опуштен, спортски стајлинг – топ во комбинација со тренерка. Сепак, едноставниот изглед го надополни со внимателно одбрани луксузни детали. Таа носеше очила од модната куќа Yves Saint Laurent, чија цена на официјалните страници достигнува околу 520 евра.
Посебно внимание привлекоа и обетките од престижниот бренд Van Cleef & Arpels, од познатата колекција „Vintage Alhambra“, чија вредност се движи меѓу 4.000 и 5.000 евра.
Фотографиите предизвикаа бројни реакции на социјалните мрежи – следбениците ја пофалија нејзината убавина и стил, а дел од нив ѝ предложија да посети локални угостителски места и да се дружи со публиката во Охрид.
View this post on Instagram
