Во неделата навечер актерот Хоакин Феникс освои Оскар за главна машка улога во филмот „Џокер“, но за фотографијата забележана по неговата победа и официјалната церемонија, едноставно се зборува поовеќе отколку за престижната награда.
Феникс и неговата вереница, актерката Руни Мара, се фотографирани како во своите модни креации со кои се појавија на церемонијата на Оскарите, седат на скали и јадат бургери.
Убавата актерка потпетиците ги замени со старки, а помеѓу гладните уметници стои освоениот Оскар.
Победата ја прославија со бургер, и тоа вегански, во однос на тоа дека и двајцата не консумираат храна од животинско потекло.
Славниот актер и за време на доделувањето на Оскарите зборуваше за важноста на природата, како и за веганството.
– Мислам дека се одделивме од природата, дека сме виновни за егоцентричноста на нашиот свет. Ние одиме во природа и ги уништуваме тамошните ресурси. Чувствуваме дека имаме право по вештачки пат да оплодиме крава, а потоа да и го одземеме нејзиното бебе, иако нејзините крици не можат никого да измамат. Потоа и го одземаме млекото, наменето за нејзиното бебе, па го ставаме во своето кафе – порача актерот.
If I was in charge of marketing for the Monty’s burger, I would immediately buy a billboard and just write on it:
“Monty’s. Only second to the Oscar” ⭐️#marketing #oscars2020 #advertising #marketingcampaign pic.twitter.com/AI976rDvQG
— Dokle više, Gorane? (@ClemmRusty) February 12, 2020
Наводно, по Оскарите, на Феникс му бил понуден бургер од говедско месо, на што тој на келнерот му покажал карта на која пишува: „Бидете вегани, тоа не е привремена мода, тоа е иднината“, пренесуваат портали кои го заговараат овој стил на живот.
Иако оваа фотографија кај многумина побуди емоции поради тоа што славниот актер и неговата колешка се однесуваат како целиот обичен свет, скромно и едноставно, многумина се прашуваат колку всушност маркетингот игра улога во целото ова.
