Оскарот за најдобар филм на овогодинешната церемонија го доби „Паразит“, дело на јужнокорејскиот режисер Бонг Џун Хоа.
Ова е првпат во историјата на Оскарите некој странски филм, односно филм кој не е од англиско говорно подрачје да ја освои наградата за најдобро остварување за изминатата година.
Помалку неочекувано, Оскарот за најдобра режија го доби исто така Бонг Џун Хо за филмот „Паразит“, а наградата му ја врачи Спајк Ли.
Режисерот не можеше да го сокрие воодушевувањето, па буквално заплака на сцената и во прв момент не можеше да го почне својот говор.
Покрај него за најдобар режисер беа номинирани и Тод Филипс (Џокер), Сем Мендез (1917), Мартин Скорсезе (Ирец) и Квентин Тарантино (Си беше еднаш во Холивуд).
#Oscars Moment: Bong Joon Ho accepts the Oscar for Best Directing for @ParasiteMovie. pic.twitter.com/b7t6bYGdzw
— The Academy (@TheAcademy) February 10, 2020
При примањето на наградата, режисерот Бонг Џун Хо покрај тоа што не можеше да ги воздржи солзите, тој на емотивен начин му оддаде почит на Скорсезе.
– Откако ја добивме наградата за најдобар странски филм, мислев дека е готово и бев подготвен малку да се релаксирам. Ви благодарам многу. Кога бев млад и гледав филмови ја запаметив изреката дека она што е најлично воедно и е најкретивно. Тоа го кажа Мартин Скорсезе. Додека студирав ги проучував неговите филмови и ми беше чест што сум номиниран во иста категорија со него, а да бидам искрен, не очекував дека и ќе победам – вели Бонг Џун Хо.
Во продолжение на следниот линк погледнете ја целосната листа на добитници од овогодинешното доделување на Оскарите.
