19.8 C
Скопје
11:16 - 29 март, 2024

„Доделувањето беше премногу предвидливо и здодевно“: Гледаноста на Оскарите најниска во историјата!

Без водител и без нешто впечатливо, гледаноста на телевизискиот пренос на 92-рата церемонија на доделувањето на Оскарите беше најниска во историјата – привлече само 23.6 милиони луѓе, што е за 20 отсто помалку од минатата година.

Овие податоци ги објави американскиот медиум „Еј-би-си“, повикувајќи се на резултатите на Нилсен академијата.

Иако е првпат во историјата еден странски тим со неанглиско говорно подрачје да ја освои наградата за најдобар филм, сепак тоа не ги привлече гледачите.

Фото: Принтскрин

Покрај тоа, церемонијата се одржа порано од вообичаеното, што веројатно влијаеше и на привлечноста на доделувањето.

Доделувањето беше премногу предвидливо, премногу бело и премногу здодевно – рече Том О’Нил, основач на порталот Голдерби, кој се занимава со  случувањата поврзани со Оскарите.

По вторпат во историјата доделувањето на Оскарите помина без домаќин, а критичарите оценуваат дека ова е уште еден хендикеп на овогодинешната церемонија.

И критичарот на Вашингтон пост, Хенк Ставер, рече дека шоуто било премногу предвидливо и дека го нарекол „Оскар автопилот“, бидејќи, како што вели, трииполчасовната емисија „крстарела по Холивуд на 35.000 метри“.

Во 2000-тите години гледаноста на доделувањето на Оскарите се движеше помеѓу 35 и 45 милиони гледачи и најчесто беше втората најгледана емисија годишно, а во 2015 година ја следеа 37,3 милиони гледачи.

Слични објави

(Видео) Филмови кои не се за пропуштање во 2023

Ј.К.Д

Мајкл Џ. Фокс искрено за болеста што ја криел со години: Мислев дека публиката ќе ми се смее

еспресо

Се појави првата божиќна реклама и веднаш ги налути гледачите: Ова е тотално лудило

еспресо

Бела Хадид веќе не е на врвот: Науката ја избра новата најубава жена на светот

еспресо

Клои Кардашијан имала тумор на лицето: „Морав да направам итна операција за да го отстранам“

еспресо

Арнолд Шварценегер стана најскапиот личен тренер во САД: Наплаќа 150.000 долари за тренинг!

еспресо
Се вчитува....