Пејачката Северина (47) ги изненади фановите на Инстаграм кога го избриша презимето Којиќ и продолжи да го користи името со кое ја започна својата кариера. Сплиќанката на Инстаграм ја следат дури еден милион и 200.000 фанови, таа го следи само Игор.
Овој потег не можеше да помине незабележано кај нејзините фанови и во медиумите. Веднаш почна да се шпекулира дека нешто не е во ред меѓу брачниот пар.
Ваквите шпекулации се засилија откако Северина се појави на едно доделување на награди без придружба на сопругот.
– Севе дојде сама да ја преземе наградата, што на сите им беше чудно бидејќи од Игор скоро никогаш не се разделува. Дека меѓу нив сè не е во ред, беше јасно откако ја прашаа каде е Игор, а таа само кратко одговори: „Не дојде со мене“ – рекол извор кој се затекнал на лице место, а пренесоа медиумите од регионот.
Инаку Северина неколкупати на социјалните мрежи нагласи колку добар однос има со свекорот и со свекрвата. Во Белград таа се фотографираше со нив, а со тоа се пофали и на социјалните мрежи.
– Оља и Драган, најдобрите свекрва и свекор на светот… Моето семејство во светот на неизвесноста, љубовта и поддршката. Прекрасно е што ги имам! – напиша Северина на Инстаграм.
