После минатогодишниот успех на римејкот за „Lion King“, Дизни одлучи на гледачите да им претстави уште еден класик – „Bambi“. Оригиналниот цртан филм кој во 1942 година го разви аниматорот Тајрус Вонг и кој се темели на книгата „Bambi: a Life in the Woods“ од авторот Феликс Салтена, ќе го замени фоторалистична играна верзија.
Интересно е што Бамби бил севкупно 5-от анимиран филм од Дизни студиото, но прв во кој што немало човечки ликови. Во 2006 година е објавено и продолжение со насловот „Bambi 2“, но никогаш не ја достигнал славата на својот претходник. Според пишувањата на Hollywood Reporter, за најновата верзија ќе бидат задолжени 2 сценаристки: Линзи Биер и Женева Робертсон-Дворет, сценаристката на минатогодишниот хит-филм „Captain Marvel“.
