Познатата американска актерка Џенифер Анистон вчера наполни 51 година, а за нејзиниот приватен живот, во јавноста веќе со децении се зборува многу повеќе, отколку за нејзините професионални успеси.
Џенифер е ќерка на телевизискиот актер Џон Анистон, кој има грчко потекло, и неговата колешка Ненси Доу.
Славната холивудска ѕвезда е родена на 11 февруари, 1969 година во Лос Анџелес и до својата петта години повеќепати ги менувала државите во кои живеела.
Нејзиното семејсво поминало и една година во Грција.
Талентот за глума прекрасната Џенифер го препознала на 11 години, кога се запишала во драмско училиште. Истовремено додека учела да слика, нејзините цртежи биле изложувани во музејот Метрополитен, а покрај тоа почнала да глуми и на Бродвеј.
Анистон матурирала во Њујорк, во средно уметничко училиште, а во меѓувреме работела како курир и келнерка. Првата телевизиска улога ја доби во серијата „Molly“.
Актерката во една прилика откри дека правела пластична операција на носот, меѓутоа дека сè на неа е природно и дека ова го направила само од здравствени причини.
– Имав операција поради сериозна девијација на носот и би одела под нож единствено поради здравствени причини. Сè на мене и природно и имам за цел така и да остане во иднина. Како тинејџерка не мислев така. Ме нервираше тоа што за своите години имав преголеми гради и задник – изјави Џенифер во една прилика.
Џенифер сакаше многу познати мажи, како актерите Џастин Теру, Тејт Донован и музичарите Џон Маер и Адам Дуриц, но нејзиното име и денеска најмногу се поврзува со нејзиниот прв сопруг, познатиот Бред Пит.
На професионален план, за Џенифер веќе знаеме сè, омилената глумица толкуваше улоги во драми, комедии, романси, а некои од нејзините најпознати улоги се во филмовите како „She’s the one“, „Love happens“, „We are the Millers“, „Horrible Bosses“, „Murder mystery“ и уште многу други.
Од минатата година пак, Џенифер ја толкува главната улога во серијата „The morning show“, заедно со колешката Риз Витерспун, а нејзиното богатство се проценува на повеќе од 200 милиони американски долари, додека познато е дека Џенифер е голем обожавател на јога и карате.
