Актерките Сара Мишел Гелар и Селма Блер го повторија нивниот легендарен бакнеж од филмот „Сурови намери“ (Cruel Intentions), но овој пат во согласност со насоките и правилата за борба против коронавирусот.
Така Селма на својата колешка и даде бакнеж преку маска.
Тие две се запознаа на снимањето на тој филм, а останаа пријателки до денес. Селма денес се бори со мултипла склероза, а Сара е една од луѓето на кои таа секогаш може да се потпре.
Во филмот Селма ја глуми наивната Сесил Калдвел која Кетрин Мертеил, која ја глуми Сара, ја искористува за да му се освети на својот полубрат Себастијан Валмонт.
Нивниот бакнеж ја освои наградата „MTV Movie“ за најдобар филмски бакнеж.
