Ќе се снима продолжение на филмот „Гладијатор“, пренесува „Independent“.
„Веќе имам напишано сценарио за да го продолжам филмот. Штом ќе завршам со работа на филмот „Kitbag“, се фрлам на снимање на „Гладијатор 2“, рече режисерот Ридли Скот за странските медиуми.
„Гладијатор 2“ ќе биде продолжение на хитот од 2000 година со Расел Кроу, кој го глумеше генералот Максимус Десимус Меридиус, пријател на императорот Маркус Аурелиус, кој е предаден и убиен од неговиот амбициозен син Комодус.
Инаку, филмот „Гладијатор“ освои пет Оскари, вклучувајќи го и оној за најдобар филм. Ридли Скот не сака да открива детали за продолжението на култниот филм, кое се најавува со години. Според странските медиуми, дејството треба да се случи дваесет години по настаните во оригиналниот филм.
