Фармерките во стилот на 70-те се апсолутен хит, а Маргот Роби успеа совршено да ги искомбинира. Фотографирана е во Њујорк каде што се наоѓа поради промовирање на новиот филм на Тарантино („Once Upon a Time In Hollywood“), каде и таа е еден од главните ликови.
Таа ги искомбинира фармерките со широки ногавици, заедно со класичен црн џемпер на „Шанел“ и високи потпетици во истата боја.
Овој модел на фармерки ласка на сечија фигура. Доколку се борите со неколку килограми плус, длабокиот струк ќе ги сокрие недостатоците, а должината одлично им прилега на сите висини.
Доколку случајно се двоумите во кој тип на фармерки да вложите пари оваа есен, одговорот е токму во фармерките кои ги избра познатата глумица.
Русите локни на актерката исто така совршено се склопија во целата модна приказна. Ова е одличен пример за еден совршен стајлинг, класика која нема грешки.
