Елтон Џон се враќа на настапи по две години пауза. Неговиот последен настап беше на 6 март 2020 година, а потоа престана да настапува поради пандемијата и операцијата на колкот.
По долго отсуство, навистина многу долго, најдолго во неговата кариера, музичката ѕвезда Елтон Џон најави дека се враќа на сцената за да го продолжи она што го прекина пред речиси две години. Имено, британската поп ѕвезда ја продолжи својата проштална светска турнеја, Farewell Yellow Brick Road, во Њу Орлеанс, во средата на 19 јануари. Ова е прв датум од серијата датуми закажани во Соединетите држави за 2022 година, а следуваат настапите во Чикаго, Њујорк, Мајами и многу други градови.
Присилното запирање на концертите имаше две причини. Пандемијата, која ги блокираше концертите ширум светот, но и операцијата на колкот. 74 годишниот музичар мораше да се подложи на операција поради лошиот пад на крајот од летото кога престојуваше на француската ривиера.
Од САД турнејата Елтон Џон ќе ја продолжи во евроспките метрополи, но тоа е предвидено за следната, 2023 година.
View this post on Instagram
