Извор за Wall Street Journal тврди дека Илон Маск имал афера со Никол Шанахан, сопругата на коосновачот на Google, Сергеј Брин, кој поднел барање за развод уште на почетокот на јануари. Брин и Маск биле долгогодишни пријатели.
Аферата довела до распад на бракот?
Пријателите на двојката велат дека романсата на Маск со Никол е она што го натерало милијардерот да се разведе од неговата сопруга.
Не е јасно колку долго траела романсата, но наводно се случила истиот месец кога Маск ја доби ќерката со неговата поранешна девојка Грајмс, и еден месец откако тајно станал татко на близнаци со поранешната извршна директорка на стартапот за вештачка интелигенција Neuralink.
Во февруари Маск започна да излегува со сегашната девојка Наташа Басет.
Брин бара старателство над ќерката
Брин, седмиот најбогат човек во светот, со проценета вредност од 93 милијарди долари, поднел барање за развод во јануари, сигнализирајќи го почетокот на еден од најскапите разводи во историјата на Силиконската долина.
Милијардерот бара и заедничко старателство над нивната двегодишна ќерка. Тој исто така бара да не се дава финансиска поддршка на поранешните сопружници.
Претходно бил во брак со Ен Војчицки од 2007 до 2015 година. Од тој брак има две деца.
Elon Musk’s alleged brief affair with the wife of Google co-founder Sergey Brin led to the couple’s divorce filing https://t.co/ne5vsdnEVf
— The Wall Street Journal (@WSJ) July 24, 2022
