Преку видео објавено на Инстаграм, Дуа Липа ја сподели со 32,1 милион нејзини следбеници од целиот свет картата на некогашната Голема Илирија.
„На картата се гледа и името на Дарданија, која беше едно од кралствата кое владееше на оваа голема територија која денес е населена од Албанија и Косово”, пишува Газета Експрес.
Според истиот медиум, Дуа преку ова видео покажа колку е горда со нејзиното потекло.
Пејачката со албанско потекло е родена во Лондон, а потоа се вратила во Косово, каде што живеела неколку години.
Таа сега е една од најпознатите уметници во светот и во текот на месец август ќе дојде повторно во Косово за Фестивалот “SunnyHill”, организиран од самата Дуа и нејзиниот татко Дукаѓин Липа.
