Српската пејачка Драгана Мирковиќ денеска го слави својот 56. роденден.
Многу обожаватели преку социјалните мрежи ѝ испратија роденденски желби на регионалната музичка ѕвезда.
На Инстаграм се појавија бројни видеа и фотографии со кои соработници, пријатели, колеги, но и членови на семејството ѝ го честитаа роденденот на Драгана Мирковиќ.
Меѓу првите се огласи Мира Шкориќ, која ја сподели сликата со својата колешка.
„Среќен роденден, нека ти се исполнат сите желби“, посака Мира со заедничка фотографија.
Честитки упати и Дејан Милиќевиќ, заедно со фотографија од пејачката.
Слики објавија и нејзините деца Марко и Мануела.
„Среќен роденден на најдобрата мајка на светот“, напиша синот на прославената пејачка, а таа му одговори: „Ти благодарам најдобар сине на светот“.
А ќерката Мануела ѝ го честиташе роденденот со фотографија од луксузната вила, каде заедно со мајка си се насмеани во исти комбинации.
