Според таблоидот „Woman’s Day“, една од причините зошто Џенифер Лопез и Алекс Родригез ја одложија венчавката, покрај коронавирусот е и обемниот предбрачен договор.
Пред неколку години се шпекулираше дека Алекс Родригез ја изневерил Џеј Ло. Без разлика дали е вистина или не, кога ќе стапат во брак, веројатно тоа нема да му падне на памет!
Без оглед на љубовта, во светот на супер ѕвездите, предбрачните договори се нешто што се зема здраво за готово, па се шпекулира дека пејачката и актерка Џенифер Лопез и бејзбол играчот Алекс Родригез ќе потпишат еден таков документ.
Пандемијата на коронавирусот ги одложи нивните планови за венчавка, но им даде време да размислат за можни клаузули во предбрачниот договор, па Џеј Ло излезе со една нова што според медиумите, на нејзиниот сакан не му се допаднала воопшто.
Клаузулата е доколку Алекс ја изневери латино дивата, тој ќе мора да ѝ плати дури 250 милиони долари!
Неговиот правен тим смета дека Родригез не треба да потпишува таков договор.
– Неговите адвокати инсистираат на борба, тврди извор близок на Родригез и додава дека парот се судрил на оваа тема и дека Џенифер е подготвена да ја раскине веридбата ако Алекс не се согласи со нејзините услови.
