Антонио Бандерас е уловен во непрепознатливо издание додека спотуваше во Марбеjа, Шпанија…
Легендарниот шпански актер Антонио Бандерас (59) е уловен од папараците додека џогирал во Шпанија за време на пандемијата на коронавируот.
Латино заводникот повеќе не личи на себе, бидејќи има долга, седа брада, а лицето го сокриваше од фоторепортерите со црно капче.
Изгледа дека познатиот актер решил да се занимава со спорт со цел да остане во форма за својата 21 година помлада девојка.
Антонио е веќе шест години во врска со советничката за инвестиции Никол Кимпел (38), по двата брака со Ана Лез и Мелани Грифит.
Актерот се „фрли“ на трчање веднаш штом шпанските власти ги ублажија забраните поради коронавирусот. Тој носеше црвен шушкавец, црни тренерки и црвени патики, додека на главата имаше капче со неговите иницијали.
Инаку, актерот се изолираше во својата вила во Марбеја со својата девојка, каде претходните два месеци за време на кризата поради коронавирусот, ја поминаа во градината со поглед на океанот.
Антонио се заљуби во Холанѓанката набрзо по распадот на неговиот втор брак со актерката Мелани Грифит во 2014 година.
