Холивудскиот актер Денис Квејд (66) веќе зад себе има три неуспешни брака, но сè уште верува во брачна среќа. Холивудскиот актер се венча со младата студентка Лаура.
Квејд во друштво на 27-годишната студентка Лаура Савоиа прв пат беше виден минатата година. Пандемијата на коронавирус не ги спречи да се венчаат.
Како што пренесува магазинот „People“, актерот познат по своите улоги во филмовите „Стапица за родители“ и „Почетник“ се оженил со својата млада избраничка на интимна церемонија на почетокот на јуни, без присуство на семејството и пријателите. Бил доволен и само свештеник.
Венчавката во Санта Барбара се случила спонтано, открил извор близок на парот за списанието. Планирана била голема свадба на Хаваите, но здравствената ситуација во светот го принуди парот на поскромна варијанта.
Денис Квејд зад себе веќе има три пропаднати бракови. Тој беше оженет со актерката Памела Џејн Солс од 1978 до 1983 година, со Мег Рајан од 1991 до 2001 година, а со Кимберли Бафинготн се венча во 2004 година и заедно ги имаат близнаците Зое и Томас (12).
