Анѓела Игњатовиќ Бресквица искрено проговорила за теми што веќе со месеци ја интригираат јавноста. Пејачката ја открила вистинската причина зошто одлучила да ги отстрани тетоважите од своето тело, ја коментирала наводната романса со кошаркарот Лука Дончиќ, но ја споделила и својата голема желба во животот, која се однесува на купување луксузни недвижности.
Многу обожаватели беа изненадени кога забележаа дека Бресквица полека ги отстранува тетоважите од својата кожа. Пејачката сега отворено објасни дека зад таа одлука нема голема мистерија, туку едноставниот факт дека повеќе не ѝ се допаѓаат тетоважите:
„Ги направив кога бев премногу мала, ниту една од нив немаше никакво значење, само ми беа убави, сега повеќе не ми се убави, сакам да ги отстранам, толку е едноставно“.
Анѓела признала дека процесот на отстранување не е ниту брз ниту безболен, поради што сè уште не ги отстранила сите цртежи од своето тело:
„Во моментов ја оставив тетоважата на стомакот затоа што немам време да се занимавам со тоа, долго трае, болно е, но веројатно и неа ќе ја отстранам во одреден момент“.
Долго време кружат гласини во медиумите и социјалните мрежи за нејзината наводна емотивна врска со познатиот кошаркар Лука Дончиќ. Бресквица одлучно ставила крај на овие шпекулации и јавно демантирала дека има нешто меѓу нив, нагласувајќи дека никогаш во животот не го ни сретнала спортистот:
„Одам таму да работам, не сум го запознала. Јас немам поим од каде тие информации, сите се лажно, никогаш не сме се сретнале, никогаш не сум пеела на ниедна прослава каде што бил тој, тотална глупост“.
Покрај приказната за тетоважите и озборувањата, младата пејачка ги открила и своите планови за иднината, поточно за оазата на мир што би сакала да си ја обезбеди. Бресквица признала дека има голема желба еден ден да купи парцела и да изгради куќа во Црна Гора:
„Би сакала, тоа е моја вистинска желба, да имам поглед на морето, да нема никој наоколу, да имам голема недвижност,да биде на одредена висина и да имам базен“, рекла таа за „Премиер викенд специјал“.
