Пред неколку години, српскиот пејач Милан Станковиќ донесе одлука целосно да се повлече од јавноста и од естрадната сцена, посветувајќи се на својот приватен и духовен живот.
Последните години внимание најмногу привлекуваше со своите престојувања во манастирите, па така во манастирот Подмајне во Црна Гора престојуваше за да најде духовен мир, иако се шпекулираше дека можеби и ќе се замонаши.
Далеку од рефлекторите, тој ја задржа музиката само како лична страст, а во меѓувреме започна сосема нов и многу профитабилен бизнис.
Во текот на престојот во Соединетите Американски Држави пред две години, Станковиќ ја добил идејата да започне бизнис за превоз на автомобили со седиште во Чикаго.
Неговата компанија за транспорт започнала со само еден камион, а денес прераснала во возен парк од десет возила, што му носи доста добра заработувачка.
Станковиќ, порано познат и по својата руса коса, сега сосема го сменил имиџот. Пејачот сега има долга коса во природната кафеава боја и носи диоптерски очила.
