Чарлс Спенсер, братот на принцезата Дијана, отворено изрази незадоволство откако погледнал само една епизода од популарната серија „Круна“. Тој тврди дека љубителите на оваа серија траба да знаат дека „Круна“ е фикција.
Имено, серијата „Круна“ ги следи интригите на британското кралско семејство низ историјата, а во четвртата сезона се базира на ерата на никогаш прежалената принцеза Дијана.
За многумина ова е дел од серијата кој најмногу го очекуваа, а изгледа дека токму тој му зададе најмногу главоболка на кралското семејство.
Монархијата е лута најмногу поради тоа на кој начин е претставен принцот Чарлс, а сега и братот на принцезата Дијана, Чарлс Спенсер отворено зборуваше за своите импресии.
„Серијата главно се држи до фактите, но оние важните делчиња измеѓу не се факти. Продуцентите ме прашаа може ли да снимаат во нашиот семеен дом, но не го одобрив тоа. Ме загрижува тоа што луѓето гледајќи ја серијата забораваат дека сето тоа е фикција. Дел од публиката ја доживува серијата како лекција од историјата, но таа не е тоа и моја должност е да предупредам на тоа“, изјави братот на починатата принцеза Дијана.
