Мараја Кери веќе две децении ја воодушевува публиката со својот неверојатен глас, кој има распон од пет октави.
За споредба, Адел има распон од две октави и три ноти, Кристина Агилера четири октави, а Лара Фабијан во живо пее со распон од три октави. Со ова, Мараја Кери одамна е влезена во Гинисовата книга.
Иако кариерата во овој момент не ѝ оди по нагорна линија, таа реши на уникатен начин да го прифати популарниот #BottleCapChallenge во кој луѓето низ светот се снимаат како отвораат шише со удар од нога.
Многумина сметаат дека се работи за монтирано видео, но Мараја не се грижеше многу за тоа и објави како го изведува овој предизвик со помош на својот уникатен глас.
Challenge accepted! #bottletopchallenge pic.twitter.com/Rygijd6z5W
— Mariah Carey (@MariahCarey) July 7, 2019
