Најпознатата „лото“ девојка на овие простори Сузана Манчиќ е во брак со грчкиот бизнисмен Симеон Отсомокос. Тие се венчаа во 2018 година, а оттогаш водителката живее на релација Белград и Атина.
Симеон Отсомокос е познат како бизнисмен, но многумина не знаат со што точно се занимава.
Симеон дипломирал право и економија на Универзитетот во Атина, а работел како експерт за комерција во американската амбасада во Атина. Бил и извршен директор на Американско-грчката стопанска комора, како и генерален секретар на деловните совети меѓу Грција и другите земји.
Од 1997 година е основач на СГТ, компанија за корпоративни комуникации, а потоа отворил и филијала во Белград – Tsomokos Group International (TGI), пишуваше српски претходно „Курир“.
Неколку години по пропаѓањето на првиот брак, Симеон стапил во емотивна врска со Сузана, а исто и како водителката има две ќерки.
И покрај тоа што ги делат километри, тоа не влијае на нивната љубов, а водителката во неколку наврати кажа дека функционираат феноменално на далечина.
„Тешко е да се пушти корен на оваа возраст. Да бев помлада, веројатно ќе бев таму. Меѓутоа, ова е мојата земја, а Белград е мојот град. Јас во Атина одам 20 години, имам пријатели таму, мојот сопруг. Мојата љубов. Но, јас и понатаму ќе бидам на линијата Атина-Белград и авиокомпаниите и понатаму ќе живеат добро од мене“, истакнала Сузана во емисијата „Кец на единаесет“.
Минатата година медиумите објавија дека парот купил куќа на Тара, која ќе биде нивна оаза во текот на престојот во Србија.
„Тоа е всушност мала куќа вредна околу 45.000 евра, ништо големо. Сакавме само да имаме свој мир на некоја парцела во планина. Планиравме да купиме такво нешто со години за да имаме каде да избегаме од градската врева кога тој ќе дојде во Србија, иако јас најчесто одам во Грција поради неговата работа.“
