Аријана Гранде поминуваше низ турбулентен период предходните година и половина. Откако го објави својот долгоочекуван албум „Sweetener“, поп-пејачката ја погоди веста за самоубиството на нејзиното поранешно момче Мек Милер, а исто така ја раскина и веридбата со својот вереник Пит Дејвидсон.
Од тогаш, таа издаде уште еден албум, нејзиниот најпродаван албум до сега – „Thank u, next“, па ја започна големата светска турнеа која се распродаде со брзина на светлината. Покрај турнејата, поп-ѕвездата издаде уште неколку синглови, а беше и извршен продуцент на саундтракот за филмот „Charlies Angels“.
Аријана Гранде признава дека е преморена и дека се чувствува дека нејзината приватност е загрозена.
„Уморна сум. После ова ми е потребна долга пауза за да одморам“, напиша таа на Твитер.
„Ветувам дека откако ќе излезе саундтракот, ќе ве оставам на мира и малку ќе исчезнам“.
