Популарната српска пејачка Ана Николиќ ги вознемири своите обожаватели откако на социјалните мрежи објави видео на кое се гледа како брише крв што ѝ се слива низ лицето.
Николиќ објасни дека повредите ги добила сосема случајно, кога непозната девојка ненамерно ја удрила во ресторан.
„За сите кои се загрижија… добро сум, на жалост“, напиша пејачката на својот Инстаграм-профил.
View this post on Instagram
На видеото, кое подоцна беше избришано, Ана видно вознемирена раскажува како по ударот ѝ потекла крв што не престанала.
„Ова никогаш не сум го доживеала! Од една мала точка – вака, како да ме заклаа!“, изјави пејачката, додавајќи дека крвавела непрекинато.
Таа откри дека обезбедувањето на ресторанот веднаш реагирало, мислејќи дека станува збор за некаква кавга.
„Се собраа десетмина од обезбедувањето, а сè беше случајност. Девојката се сврте и ме удри баш во тоа место… и крвта почна да шика на сред кафана“, раскажа Ана во видеото.
