Пејачот Харис Џиновиќ, кој се разведе од сопругата Мелина по повеќе од две децении брак, отворено проговори за семејството, разводот и односот со децата Кан и Џина и истакна дека често плачел по разделбата со сопругата.
Иако медиумите со месеци зборуваат за неговиот развод од сопругата Мелина, Харис открива како се справува со толку големо медиумско внимание.
– Тоа за мене не беше турбуленција, разводот не е турбуленција. Милијарди бракови се разведени, за мене тоа е нормална работа. Некој повеќе не сака да живее со некого, што сега, едноставно не сака. Сè има свој век на траење, јас не гледам на тоа трагично – рекол Харис, а потоа продолжил:
– Се грижам сè да помине колку што е можно помирно, двете страни да бидат задоволни. Некој секогаш ќе биде оштетен, но Боже мој. Тоа е она што е, само нека е мирно.
Харис Џиновиќ истакнал дека неретко и заплакува, што му се и случило по разводот со Мелина.
– Емотивен сум, но секогаш се трудам да ја потиснам таа емоција. Често им кажувам на пријателите, ако седнам во автомобил и ме „погоди“ некоја песна, можам да плачам и по 300 километри. Така се случува, надоаѓаат некои чудни емоции кои не им дозволуваат на солзите да престанат – открил пејачот.
