Крф е остров кој традиционално го посетуваат сите генерации.
Тој е втор по големина од седумте острови, кои се наоѓаат во Јонското море. Eден од најубавите острови не само во Грција, туку и во светот.
Постојат неколку начини да се стигне до Крф. Бидејќи е далеку доколку некој од туристите се плаши од летање, може да пристигне со автобус.
Овој остров има издолжена форма, а неговата позиција ги диктира климата и вегетацијата. Тоа е еден од најсеверните острови во Грција. Се карактеризира со постудени лета и обилни врнежи од дожд. Природата е исклучително бујна, па токму поради вегетацијата се нарекува „Зелен остров“.
Туризмот на Крф има долга традиција и голема понуда за сместување, од евтини станови до големи и скапи одморалишта и хотели.
Цените во Крф се повисоки отколку кај нас, но тие не се повисоки од останатите места во Грција.
Храната е поинаква во споредба со другите делови на Грција, имајќи ја во предвид историјата на островот. Силното венецијанско влијание може да се види и во архитектурата.
Неизбежно е гирото, а најинтересно е што можете да пробате вкусна грчка верзија на италијански деликатеси.
Можеби не е најпопуларна дестинација во Грција, ниту најпристапна – но, тоа што го издвојува од останатите е тишината и мирот, како најголем адут што може да им го понуди на туристите.
