Во некои делови на Шведска, вообичаено е студентите, но и другите граѓани да го отворат прозорецот доцна навечер и да почнат да врескаат без некој да им замери за тоа. Врескањето треба да е искрено и силно без чувство на срам или што ќе кажат другите.
Студенти од Сернандерс Вага, во Упсала, врескаат секоја вечер, а нивните колеги од Лапкарсбергет го практикуваат тоа само во вторник, додека во Лунд врескањето почнува во 23 часот.
Многумина велат дека станува збор за култ, но причината е прилично рационална – студентите врескаат за да се ослободат од стресот, фрустрациите и од стравовите.
Овој „феномен“ што Швеѓаните го нарекуваат крик на Флогст, го добил името по студентската населба во близина на Упсала.
Според популарната теорија, врескањето почнало во 70-тите или 80-тите години на минатиот век кога група студенти од Лунд гледале документарец за исконски крик и заклучиле дека бучавата ќе им помогне да се ослободат од негативните емоции и стресот поради испитите.
Затоа шведскиот феномен за прв пат бил наречен крик на Делфи, а дури подоцна стана крик на Флогст.
Доколку се најдете во Шведска во студентските делови на градовите каде што овој феномен е сè уште начин на живеење – не двоумете се, туку пуштете го гласот, наведува порталот „Пункуфер“.
