Тоа се мажите со брада, остри црти на ликот, цврста вилица и широки јаболчници. Истражувачите од Универзитетот во Квинсленд Австралија, скоро илјада жени откриле каков маж им е најпривлечен.
Мажите со изразени црти на ликот и густа брада, на жените им изгледаат физички и друштвено подоминантни, а најмногу од нив токму таквите ги оценија како најпривлечни.
Жените кои преферираат чисто лице без брада, всушност имаат аверзија спрема бактериите, паразитите и нечистотијата, а влакната на лицето им изгледаат нечисти. Всушност, покажувале на жените и фотографии од различни бубачки и паразити, па ги поврзале изјавите за страв или гадење со изборот за изглед на маж.
Исто така, ги испитувале и за ставовите спрема неморалот, изневерувањето, сексот и така натака. Испаднало дека жените кои преферираат мажи со брада, не толерираат неморално однесување. Тоа истражувачите сметаат дека може да се препише на нивната склоност кон традиционалните семејни вредности и погледи на односот маж и жена, кон улогата која мажите ја имаат во семејството.
Во истражувањето учествувале точно 919 жени на возраст од 18 до 70 години, а секоја прегледала 30 слики од 3 различни мажи. Лицето на секој од нив е фотографирано со полна брада или скроз избричено, па подоцна додадено да изгледа малку феминизирано или мажествено. Секое лице го оценувале со оцените од 0 до 100.
Мнозинството жени, мажот го смета за мажествен доколку има испакната коска каде што му се веѓите, широки коски кај образите, цврста и јака вилица, а и длабоко поставени тесни очи. Кога на тоа ќе се додаде полна брада, тоа е типот кој го прогласиле како најидеален за долга, но и за пократка врска.
Истражувачите сметаат дека овој тип на мажи кај жените потсвесно прави слика на силен и друштвено доминантен маж, а брадата на лицето само го зголемува тој впечаток.
Студијата била објавена во научното списание Royal Society Open Science, пренесува Daily Mail.
