Иман и Санија Моват (20) се сијамски близнаци. На возраст од само три месеци, тие беа подложени на 16-часовна операција за разделување во детската болница во Бирмингем.
Операцијата, која како таква никогаш досега не била изведена во Велика Британија и само двапати досега во светот, ја водел неврохирургот Тони Хокли.
Тие сè уште се многу поврзани, дури спијат како да се поврзани, а поминати се 20 години. И покрај фактот дека имале само 5 до 25 проценти шанси за преживување и ризик од парализа, нивните родители одлучиле да ги оперираат.
Сестрите се согласни дека разделбата била добра одлука, бидејќи им овозможила да водат индивидуален живот. Сепак, тие сè уште се многу блиски. Тие во моментов се втора година на факултет и имаат уште една сестра. Тие велат дека иако се различни, секогаш сакаат да бидат една до друга.
„Понекогаш спиеме во иста положба како и кога бевме поврзани“, додаде Иман.
И двете имаат „spina bifida“ и слаба страна на телото што им предизвикува болки во грбот и проблеми при одење. Секоја има една нога пократка од другата, а Иман понекогаш користи инвалидска количка или патерица за одење.
И покрај здравствените проблеми, тие рекоа дека напредувале далеку над очекувањата на лекарите и пред две години го прославија 18-тиот роденден. Само чудо е што тие воопшто одат.
извор: „курир“
